Поранешната тенисерка Курникова на близнаците сака да им покаже танцови движења, а пејачот Иглесијас со нив ги гледа фудбалските натпревари и ужива во морските радости …
Шпанскиот музичар Енрике Иглесиас (43) сподели видео на кое ги забавува осуммесечните близнаци Николас и Луси кои ги има со поранешната тенисерка Ана Курникова (37), а покрај нив, тој исто така ги развеселил своите следбеници на Инстаграм.
„Тешка публика за забава“, коментирал Енрике за снимките од неговите деца кои се смееле додека тој трчал пред нивната количка.
Познатата двојка, како што вели, секојдневно ужива во привлечноста на родителството. Ана понекогаш на близнаците сака да им покаже танцови движења, а Енрике со нив гледа фудбалски натпревари и ужива во морските радости
Тој прави сé што може за да ги натера децата да се смеат, и редовно ги објавува своите „авантури” за да ги покаже на сите што го следат.
Иглесијас со тенисерката е од 2001. година, а се сретнале на снимањето на спотот за песната на Енрике „Бегство”. Тие станале родители на близнаци на 14. декември минатата година, а среќната вест ја објавија еден месец подоцна. Многумина беа изненадени што никој не знаеше дека Ана е бремена.
„Ана имаше слатко стомаче, кое речиси и’ успеа да го скрие до нејзиното пораѓање, но некако се дознало за бременоста.Дознав кога минаа пет месеци за да добијат дете“, открил нивен пријател.