ekran платформа за слободоумни
Полин Димелин од Велика Британија била во добра здравствена состојба и имала само 56. години кога во март се разболела од коронавирус. Но, неколку дена по одењето во болница, таа го загубила животот во борбата против коронавирусот.
Една вакцина против коронавирус е одобрена за употреба во Велика Британија, а уште две чекаат одобрување. Исто така, голем број вакцини се уште се во фаза на тестирање. Би-Би-Си разговарала со човекот за неговата лична трагедија поради која учествувал во тестирање на вакцините.
Полин работела во локалната парохија, а таа и нејзиниот сопруг Најџел биле многу внимателни – не излегувале многу и оделе по продавниците кога имало таму имало помалку луѓе. Сепак, Полин, поради природата на нејзината работа, најверојатно била во контакт со луѓе и се верува дека се заразила во парохијата.
Во еден момент, таа почнала да се чувствува уморна. „Беше исцрпена кога заврши со работа. Дојде дома и легна на каучот. Не се сеќавам дали имаше треска, но се чувствуваше многу лошо”, рекол Најџел, нејзиниот сопруг, додавајќи дека луѓето и рекле да оди на лекар. но таа не сакала. „Мислеше дека сè ќе биде добро, дека ќе помине“, додал Најџел.
Конечно отишла на лекар и тестот за коронавирус во болницата бил негативен. Тие сакале да ја испратат дома кај нејзиниот доктор, но тогаш дошол рентгенот на белите дробови. Тестот за жал бил лажно негативен.
После тоа, нејзината состојба брзо започнала да се влошува. Полин отишла во болница на 25. март. Таа починала пет дена подоцна.
Тагата на Најџел го поттикнала – како еден од првите доброволци – да се пријави на тестирање вакцина во болницата Брадфорд. На Фејсбук го видел повикот за волонтери.
„Аплицирав без двоумење. Си реков: ‘Морам да го сторам ова’“, реколтој.
„Луѓето ми кажуваат колку сум храбар. Јас не сум храбар. Не можам да направам ништо друго освен да бидам храбар. Мора да продолжите со вашиот живот. Сакам да се чувствувам како да правам нешто“, заклучува Најџел.
