Вчера пишувавме за втората проба на Андреа, комлиментите кои ги добива од сите страни, успешните проби, ги објавивме фотографиите на нашата претставничка со македонското знаме кое го носи насекаде и сега одеднаш таа мора да објаснува нечии злобни мисли – без да се побара објаснување од неа или од некој член на македонската делегација.
Имено, во некои од медиумите се објавиле фотографии како Андреа го фрла македонското знаме.
Таа веднаш даде одговор на сите тие пишувања а суштината е во видеото подолу…
Некоја тв екипа побарала интервју со Андреа но без знамето кое таа го ставила на страна, и сега сето тоа се „прежвакува“, се бара „влакно во јајце“ се’ во наш стил…Наместо да се гордееме со тоа што имаме фантастичен претставник на „Песна на евровизија“ некои се занимаваат со непотребни обвинувања, наместо да побараат објаснување па да судат. А, се поради некои само ним јасни причини (или барање кликови и оцрнување на млада девојка)
Г.О.
Фото: Facebook