ekran платформа за слободоумни
Нето богатството на Рис Витерспун се проценува на 440 милиони долари
Магазинот „Форбс“ ја објави листата на најбогатите жени во Америка, каде актерката го зазеде 59-тото место со нето вредност проценета на 440 милиони долари, 47-годишната Рис во последните години се покажала како многу способна деловна жена.
Главна улога за жена над 30 години
Во 2016 година ја основа медиумската компанија „Hello Sunshine“, која продуцираше наградувани филмови и ТВ емисии, вклучувајќи ги „Gone Girl“, „Big Little Lies“, „Daisy & The Six“ и „Little Fires Everywhere“.
Во тоа време, Витерспун била фрустрирана од улогите што ѝ следуваа, па таа и продуцентот Бруно Папандре решиле да ја основаат продуцентската куќа „Pacific Standard”“, сега подружница на „Hello Sunshine“.
– Мислам дека тоа беше буквално единственото студио што имаше проект за главна женска улога стара над 30 години – изјавила актерката за магазинот „Variety“.
View this post on Instagram
Во 2021 година, актерката го продала „Hello Sunshine“ на медиумска компанија поддржана од Blackstone за 900 милиони долари.
Да се промени начинот на кој жените се прикажуваат во медиумите
– Ја основав оваа компанија за да го сменам начинот на кој жените се прикажуваат во медиумите. Во текот на изминатите неколку години, го следевме напредокот на нашата мисија преку книги, ТВ, филмови и социјалните платформи, рекла таа во соопштението за печатот.
Актерката сè уште поседува околу 18 отсто од компанијата, а исто така го основала и Reese’s Book Club, кој се стекна со репутација за зајакнување на кариерите на женските авторки.
Дополнително, Витерспун, според Форбс, е исто така една од најплатените ТВ актерки, со заработка од 1,2 милиони долари за глумење и продукција на секоја епизода од „The Morning Showa“ емитувана на Apple TV-u+.
Фото: Принтскрин/Instagram
