Студен викенд: Снег од понеделник!

За време на викендот кој следува ќе биде претежно стабилно и суво време но ќе биде многу студено
Сабота ќе биде ден како „измислен“ за претстој на повисоките места. Таму ќе има сончево време, а идилата наоколу ќе биде дополнување на уживањето. Низ котлините наутро ќе има услови за локална појава на ниска обланост и магла. Но, и доколку се формира оваа стратусна облачност се очекува истата да се расчисти претпладне.
Ќе дува слаб северен ветер, а во југоисточните краишта умерен северозападен ветер.

Наутро ќе биде студено, а темпретурете ќе има вредности помеѓу -10. и -5. низ котлините, а на планинските места околу -13.
Максималната температура ќе има вредност помеѓу -2. и 0. низ котлините во северниот и западниот регион, околу 2. на југоисток, додека на повисоките места температурата нема да надмине -5..
Скопскиот крај го очекува умерена облачност наутро, а веќе околу пладне подолги сончеви периоди.

Температура ќе има минимална вредност околу -6., а максимална вредност околу -1..

Потоа за време на викендот кој следува ќе биде претежно стабилно и суво време но ќе биде многу студено.Минималните температури на одредени места повторно ќе се спуштат и под -15 степени додека максималните на повеќе места ќе бидат околу па и под нулата.
Под влијание на нов влажен бран во понеделник се очекуваат нови врнежи од снег со слаб до умерен интензитет со што ќе дојде до понатамошно зголемување на снежната покривка.