Слобода за злоставуваната Французинка која го убила сопругот

Французинката Валери Бакот, која цел живот ја злоставувал нејзиниот очув, кој станал нејзин сопруг, беше прогласена за виновна за неговото убиство, но таа доби намалена казна и беше ослободена.
Таа беше осудена на четири години затвор, но три се условни, па била ослободена затоа што веќе одлежала една година.
Бако претходно се онесвестила во судницата откако обвинителите побарале таа да биде осудена за убиство, но да добие помала казна и да биде ослободена.
Таа признала дека го убила сопругот во март 2016 година со неговиот пиштол.

Бакот (40) опишала дека Даниел Полет ја злоставувал од дванаесетгодишна возраст, прво како нејзин очув, а потоа и како сопруг.
Полет со години ја принудувал на проституција со други мажи, а последната капка била кога тој почнал да зборува за злоставување на нивната ќерка.
Нејзиниот случај ја шокираше цела Франција а повеќе од 700.000 луѓе потпишале петиција со која барале нејзино ослободување.
Додека Бакот го напуштала судот, насобраните луѓе и аплаудирале и извикувале „Браво!“. Но, таа на новинарите им рекла дека битката не е завршена.

„Не чувствувам олеснување. Сем сум скршен, физички и психички”, рекла таа.
Таа додала дека само сака да им се врати на своите деца, кои ги има четири.