Видеото од спасувањето на новороденче, девојче од урнатините на зграда во градот Џиндарис на северот на Сирија во февруари го обиколи светот, а детето оттогаш значително закрепна и сега малата Афра е среќна, здраво шестмесечно девојче.
Во серијата катастрофални земјотреси кои опустошија делови од Турција и Сирија на почетокот на февруари, се сруши зградата во која живееше мајката на малата Афра, а се породи непосредно пред уривањето на зградата.
Кога бебето Афра било пронајдено во урнатините на зградата во Џиндарис, нејзината папочна врвка сè уште била закачена за нејзината мајка.
Афра ја примиле и ја одгледале нејзината тетка и вујко, заедно со уште седум деца, во Џиндарис, недалеку од турската граница.
– Сè уште е мала, но ме потсетува на нејзиниот татко и нејзината мајка, сестра ми Навара. Ја има насмевката на Навара. Честопати поминуваа време со нас, но сега ги нема, ги загубија животите во земјотресот – вели вујкото на Афри, Калил ал-Савади, нишајќи насмеано девојче во лулашка.
Разорен земјотрес ги погоди југоисточна Турција и северна Сирија на 6 февруари и однесе десетици илјади животи.
Драматичната снимка од спасувањето на бебето во Џиндарис беше споделена на социјалните мрежи и набрзо стана вирална, а спасеното девојче беше однесено во болница каде и го доадоа името Аја, што на арапски значи чудо.