Во Сараевскиот народен театар со почеток во 20 часот вечерва концерт ќе одржи познатиот пијанист Симон Трпчески под диригентската палка на маестро Иво Липановиќ и придружба на Сараевската филхармонија.
Со овој концерт официјално ќе се отвори 29. Сараевска музичка вечер. Во рамките на концертната програма, публиката ќе има можност да слушне изведба на Рапсодија на тема од Паганини (Капричо со 24 варијации) Оп. 43, за пијано и оркестар, од Сергеј Рахманинов, со што ќе се одбележат 150 години од раѓањето на композиторот.
По Рахмањинов, Сараевската филхармонија ќе ја изведе и познатата Петта симфонија на Бетовен. Во продолжение на концертот ќе биде изведено дело од локален автор.За вечерашниот концерт е избрана симфониската композиција „Како дрвото да расте“ од меѓународно реномираниот композитор од БиХ. современиот композитор проф. М-р. Алишер Сијариќ, декан на Музичката академија на Универзитетот во Сараево.
Фото:Facebook/simontrpceski