ekran платформа за слободоумни
Федералните здравствени агенции на САД препорачале паузирање за употреба на единечната доза на вакцината „Џонсон и Џонсон“ откако шест лица развиле ретко нарушување кое вклучува згрутчување на крвта.
Сите шест лица биле жени на возраст од 18. до 48. години. Една жена починала, а друга е хоспитализирана во Небраска и е во критична состојба, објавил „Њујорк тајмс“, повикувајќи се на официјални лица.
Сепак, американскиот Центар за контрола на болести тврди дека ваквите несакани ефекти во моментов се исклучително ретки.
Заклучно со 12. април, во САД се дадени повеќе од 6,8 милиони дози на вакцината „Џонсон и Џонсон“.
Потегот на американските регулатори се случи за помалку од една недела откако европските регулатори објавија дека се врши исдтрага за ретки згрутчувања на крвта кај четири лица во САД кои примиле вакцина, пишува Ројтерс.
Извор: nova.rs
Фото: Архива
