ekran платформа за слободоумни
Книгата “Боите на мојата музика”, е приказна за животниот и творечкиот пат на истакнатата македонска пијанистка, Снежана Анастасова Чадиковска. Музичката јавност ја познава Чадиковска и како пијано педагог, музички публицист, аниматор и организатор на бројни културни и музички настани.
“Боите на мојата музика” е автобиографско дело, раскажано од Снежана во соработка со нејзиниот долгогодишен соработник, музиколог, но пред сé пријател, Марко Коловски.
Книгата започнува од раното детство на Снежана и првите среќавања со музиката, опишувајќи настани кои ја одбележуваат нејзината кариера, но и нејзиниот личен живот, се до добивањето на некои од највисоките национални признанија за културни, музички и педагошки достигнувања. Ова низа од лични спомени и децениски случувања, поткрепена со бројни фотографии, а опишани од аголот на уметникот и музиколог, Марко Коловски, ја збогатуваат националната музичко-културна архива, носејќи значење за македонската музичка и културна сцена, воопшто.
За рамнодушност нема место додека трае читањето на ова дело.
Примамливо зa секој, а особено за музички едуцираните читатели, овој приказ на креативноста, интуитивноста, амбицијата, упорноста и желбата на едно големо музичко македонско име, носи надеж дека ќе инспирира и мотивира многумина понатаму.
Книгата е колоритна, раскошна, блескава, а најдобар приказ за тоа е “Хипостази на животот” на ликовниот уметник Венијамин Хаџи – Наумов.
Да нурнеме заедно во светот на музиката и да ја исполниме оваа вечер со страници од “Боите на мојата музика”
По промоцијата следи Концерт на камерниот оркестар на Музичката Младина на Македонија (МММ) ,,Сашa Николовски – Ѓумар” со почеток во 21.00 часот во црквата Св. Софија.
Боите на мојата музика │ Промоција
Во рамки на Фестивалот Охридско лето 2023:
- Настан │ Промоција на книга Боите на мојата музика
- Датум │ 27.07.2023
- Ден │ четврток
- Час │ 19.00
- Локација │ предворје на црква Св. Софија
- Град │ Охрид
Автори
Снежана Анастасова Чадиковска | Истакната пијанистка, пијано педагог, публицист, музички аниматор и организатор
Марко Коловски │Музиколог, публицист, новинар и општественик
Промотори
Илинденка Петрушева │ Филмолог, филмски критичар, историчар на филмот, есеист
Александар Трајковски │ Музички теоретичар, истражувач, педагог и публицист
Модератор на промоцијата
Милчо Јованоски │ Директор на Националната установа Библиотека Григор Прличев, новинар и публицист
Водител на настанот
Наташа Попоска Карче │ Сликар, уметник, стоматолог
Издавач
Музички Издавачки Центар (МИЦ)
