ekran платформа за слободоумни
Високите температури, иако се типични за овој период од годината, воопшто не без привлечни а за многумина и многу тешки….Но, добра вест е дека од УХМР најавуваат промена на времето.
Денес ќе биде сончево и многу топло со мала до умерена локална облачност. Ќе дува слаб до умерен ветер претежно од јужен правец. Максималната температура ќе биде во интервал од 34 до 39 степени. УВ=9
Времето и метеоролошки параметри за Скопје: Сончево и многу топло со мала облачност. T= 39 °C, P= 975 hPa, U= 27 %, V= 2 m/s.
За утре се најавува претпладне сончево и многу топло со мала до умерена локална облачност. Попладне и кон крајот на денот ќе биде нестабилно, на повеќе места со пороен дожд, грмежи и засилен ветер. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. УВ=9
И во четврток на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град, соопшти УХМР.
Потоа во следните денови ќе преовладува сончево време, но во попладневните часови со изолирана појава на нестабилна облачност, пороен дожд и грмежи
