ekran платформа за слободоумни
Дваесетгодишниот Хасбула Магомедов е една од најголемите ѕвезди на социјалните мрежи, а неговите следбеници ги воодушеви веста дека потпишал петгодишен договор со УФЦ.
Поради ретко генетско нарушување, Хасбула иако има 20 години изгледа како дете, а токму тоа му донесе статус на светска сензација која денес живее на висока нога.
Хасбула има повеќе од четири милиони следбеници на Инстаграм, но малкумина знаат дека тој пораснал во сиромаштија.
Спонзорите му плаќаат огромни суми за да ги промовираат своите производи, а тој исто така често оди на платени патувања низ светот и се вози во приватни луксузни авиони и автомобили и престојува во најскапите хотели за кои порано можел само да сонува.
Имено, Хасбула израснал во лоши услови во Дагестан, но неговиот живот целосно се променил пред околу една година, кога поради видео во кое имитира познат борец, го добил прекарот Мини Хабиб и стекнал популарност во ММА заедницата.
Новинарот Игор Лазарин тврди дека по потпишувањето на договор со УФЦ, Хасбул ќе заработи повеќе од многу борци на УФЦ. Очигледно Хасбула ќе има посебна задача во УФЦ и нема да се бори. Наводно во неговиот договор стои дека ќе биде присутен на сите настани на УФЦ и настапи меѓу борбите.
