ekran платформа за слободоумни
Таихеј Кобајаши е Јапонец за кого зборуваат низ целиот свет, а неговата животна приказна го фасцинирала светот затоа што за кратко време од бездомник станал милионер.
Пред две децении, Кобајаши не можел ни да сонува за ваков живот што ќе живее. Кога имал 17 години, родителите го избркале од куќата. Ова го сториле за да го казнат за напуштањето на престижното средно училиште во кое присуствувал за да се фокусира на неговиот бенд. Кобајаши не се потресол многу, средношколецот спиел во кутии на улица, дури и на ледени зими а преку ден свирел. Така живеел скоро две години.
„Зимите беа ледени, бев очаен, но не планирав да се вратам дома. Родителите ме избркаа и тоа беше тоа за мене. Не сакав да се вратам на училиште, сакав да изберам како ќе живеам. Можев да умрам, спиев надвор во снегот, но дури и тоа беше подобро за мене отколку да живеам според правилата на моите родители“, изјавил Кобајаши за медиумите.
Потоа Кобајаши, на улица, се сретнал со управителот на еден клуб којсе сожалил за неговата судбина. Му понудил работа во клубот и му дозволил да спие таму. Така, Кобајаши живееше и работел во ноќен клуб во следните шест години.
По шест години, Кобајаши одлучил дека е време да се продолжи понатаму. Продал одредена количина ЦД-а преку Интернет и заштедил пари. Потоа започнал да бара работа. Прелистувајќи ги рекламите, наишол на оној што не барал училиште или искуство. Во огласот се велеле дека е важно само да се помине тестот. Тој се пријавил. Тестот траел шест часа и вклучувал разни задачи – логички, математички, тест за интелигенција и многу други работи. Кобајаши го решил тестот со одлични резултати и се вработил во компанијата. Се покажало дека компанијата бара луѓе со потенцијал за обука на софтверски инженери.
View this post on Instagram
Така Кобајаши се сретнал со Макото Хираи. Заедно учеле и напредувале и наскоро сфатиле дека има многу софтверски инженери кои се одлични во програмирањето, но малкумина се во можност да ги користат своите вештини за да осмислат добар и профитабилен деловен план. Затоа, тие одлучиле да започнат своја компанија „Sun*“ (Сонце).
Кобајаши во 2012. година се преселил во Виетнам за да најде млади работници. Во март 2013. година, тој ја основал „Framgia Inc.“ во Јапонија, која во 2019 година ќе биде преименувана во „Sun*“. Идејата на фирмата била да ангажира инженери кои ќе им помагаат на разни јапонски почетни фирми да го оживеат својот бизнис.
„Одлучивме да помогнеме по секоја цена, дури и ако тоа понекогаш оди на наша штета“, вели Кобајаши.
Со текот на годините, компанијата напредувала и собирала клиенти, а денес има повеќе од 70. Во септември оваа година, акциите на оваа компанија се зголемиле вртоглаво, а вредноста на компанијата скокнала на околу милијарда и пол долари. Само 7,9 проценти на Кобајаши вредат околу 74. милиони долари.
Кобајаши се врати. во Јапонија од Виетнам во 2019 година и вели дека имаат многу големи корпорации како клиенти, како и дека планираат да продолжат да го шират својот бизнис.
Фото: Принтскрин – Facebook/Sun*
