ekran платформа за слободоумни
Варијантата на делта сојот на коронавирус не предизвикува посериозни случаи на Ковид -19 кај деца и адолесценти отколку другите варијанти на вирусот.
Тоа може да се заклучи според првите податоци од студијата објавена од американските здравствени власти во петокот.
Во САД со недели расте загриженоста за влијанието на делта сојот поради зголемениот број хоспитализирани деца.
Центрите за превенција и контрола на болести (CDC), главната федерална агенција за јавно здравје во земјата, ги проучуваа податоците за пациенти хоспитализирани за ковид 19 во 99. окрузи во 14. држави.
Агенцијата го споредила периодот од почетокот на март до средината на јуни со периодот од средината на јуни до крајот на јули, кога делтата станала доминантна во САД. Помеѓу овие два периода, стапката на хоспитализација за деца и млади до 17 години се зголемила петкратно.
Сепак, „процентот на деца и адолесценти примени во болница поради тешка форма на болеста“, како што се примените на интензивна нега, „беше сличен пред и за време на варијантата делта која стана доминантна“.
Покрај тоа, студијата покажува дека вакцините добро ги штитат адолесцентите од варијантата на делта, бидејќи процентот на хоспитализација е околу десет пати поголем за невакцинираните. Во Соединетите држави, децата на возраст од 12 години можат да добијат вакцина “Фајзер”. CDC, сепак, посочува дека бројот на тешки случаи на Ковид-19 помеѓу средината на јуни и крајот на јули кај деца и адолесценти бил премногу мал за споредбите да бидат целосно релевантни.
