Двете најмлади жртви на војната што започна на 24. февруари се девојче (7) и момче (6).
Гувернерот на регионот Суми, Дмитриј Живицки, соопшти дека во петокот вечерта е убиено девојче (7) како последица на рускиот напад во североисточниот град Октирки.
Си-Ен-Ен објави дека шестгодишно момче било убиено во вкрстен оган во западен Киев во саботата вечерта. Украинските власти не ги коментираа тврдењата на CNN.
View this post on Instagram
Првите три дена од војната
Потсетуваме дека руските војници ја нападнаа Украина рано наутро во четвртокот по наредба на рускиот претседател Владимир Путин. Путин ја нарече воената интервенција во Украина „специјална воена операција“, а руските војници за само 24 часа успеаја да ја освојат централата во Чернобил и да се приближат на само 30 километри од Киев.
Вториот ден од руската агресија врз Украина беше одбележан со борби во околината на Киев и офанзива на Харков, град на истокот на земјата. Исто така, Министерството за одбрана на Русија соопшти дека руските сили го зазеле градот Чернихив на северот на земјата, но и аеродромот Гостомељ во предградието на Киев.
Третиот ден во центарот на вниманието беше главниот град на Украина, каде, според украинските власти, се слушнале истрели и експлозии. Исто така, украинските власти објавија фотографии од гранатираната станбена зграда во Киев, во која според последните податоци нема жртви.
Во светот се одржуваат мировни протести против војната во Украина и се бара мир.
View this post on Instagram
Фото: Принтскрин/nova.rs