Инаку, за концертот биле продадени повеќе од 2.000 билети, иако било дозволено присуство само на 600. посетители.
Организаторот на концертот на Петар Грашо во античкиот театар на локалитетот Хераклеа во Битола, кој се одржа на 20. август, ќе добие кривична пријава, изјави, за „Сител“, директорот на Државниот пазарен инспекторат, Стојко Пауновски.
Тој истакна дека инспекторите биле присутни до самиот крај на концертот, направиле записник и било утврдено дека не се почитуваат мерките. Како што вели Пауновски, Државниот пазарен инспекторат е присутен на сите поголеми настани кои се одржуваат, фотографираат од сите страни и прават проценка за почитувањето на протоколите.
Инаку, за концертот биле продадени повеќе од 2.000 билети, иако било дозволено присуство само на 600. посетители. Сепак, од продукцијата “Прагма”, организатор на концертот, изјавиле дека протоколите не се прекршени.