ekran платформа за слободоумни
Компири, тиквички, мелено месо – основните состојки за ова јадење се слични на оние за мусака, но се прави на поинаков начин. Можеби изгледа малку јако за топлите денови, но – дури и кога е топло мора да се јаде.
Состојки:
500 гр мелено месо
1 главичка кромид
1 тиквичка
1 компир
1 црвена пиперка
100 мл сос од домати
лажица маснотии
сув зачин
црн пипер
оригано
сол
За прелив:
3 јајца
300 мл јогурт
1 лажица пченкарно брашно
Подготовка:
Во подлабоко тавче ставете ја маснотијата да се загрее. Кромидот ситно се сечка и се става на загреаната маст. Додадете го меленото месо и кратко динстајте, мешајќи, додека месото не биде испржено. Додадете зачини.
Зеленчукот исечкајте го на коцки и додадете го во динстаното месо и продолжете со пржење додека зеленчукот не омекне. Потоа истурете го сокот од домати. Кога сè ќе зоврие, истурете ја смесата во подмачкан соодветен сад.
Јајцата се матат со јогурт и една лажица брашно и со смесата се прелива месото и зеленчукот. Се става да се пече во загреана рерна на 180 степени (со вклучен вентилатор), околу 30 минути.
