Локомотива – Центар за нови инцијативи во уметноста и културата ве кани да ја проследите втората серија на работилници за современ танц и движење Култренинг – „Резонантни тела“ работилница за кореографија со Теодора Ежовска во КСП Центар – Јадро, денес од 18-20 часот. Работилницата е бесплатна и отворена за учесници со или без танцувачко искуство.
Работилницата со Теодора Ежовска на учесниците им нуди танцово истражување и работа преку метод на допир, сензација, процес на истражување што овозможува експанзија на мисловна, како и физичка работа на тело, за тоа што е возможно и како се надминуваат сопствените лимити. Што се случува со нашите сетилни средства на изразување и како тие можат да ја збогатат играта на импровизација, се само дел од прашањата и елементите кои, оваа пракса има за цел да ја одрази телесната/ движечка експресија.
Теодора Ежовска ја започнала својата танцова кариера во својата седма година, оттаму детската желба за танц и првите чекори во хип- хоп, танц театар, шоу-денс, се преточила во подоцнежните години, па таа ти продолжила своите студии на “Факултетот за музичка уметност/ Скопје, на одсекот за Балетска педагогија – современ танц”, каде што го зајакнува и продлабочува својот танцов вокабулар.