ТУРЦИЈА вчера објави 62.797 нови случаи на инфекција со коронавирус, како и 279 смртни случаи, објави Министерството за здравство.
Ова е најголем број на смртни случаи и инфекции за еден ден од почетокот на пандемијата.
Вкупниот број на заразени во Турција надмина четири милиони, додека починале 34.737 лица.
Турскиот претседател Реџеп Таип Ердоган најави нови ограничувања „и делумно заклучување во текот на првите две недели од месецот Рамазан со цел да се потисне инфекцијата“.
Мерките стапија на сила вчера во 14. часот.
Италија вчера објави 469 смртни случаи како резултат на инфекција со коронавирус, наспроти 476 ден претходно, објави Министерството за здравство.
Во последните 24. часа, инфекцијата е потврдена кај 16.168 лица, што е пораст во споредба со ден претходно, кога имаше 13.447 нови случаи на инфекција.
Досега, 115.557 луѓе во Италија починаа како резултат на инфекцијата, што е втора црна бројка во Европа и седма во светот.
Досега во Италија се регистрирани 3,81 милиони случаи на инфекција.
Во болниците има 26.369 пациенти заразени со вирусот корона, додека 3.490 се на единиците за интензивна нега.