„Колку добро те знам“ е новиот сингл на Ај Кју  

Бeндот кој оваа година активно промовира песни и спотови, го држи темпото и повторно објавува  песна и видео. Годината ја започнаа со „Најдобар“, следеше „Мојот Крал“ која има и своја акустична верзија, а сега на ред е „Колку добро те знам“.

Бојан Трајковски е композиторот и текстотписецот на оваа песна и заедно со Дарко Димитров го сработија аранжманот. Снимена е во студијата „Мјузик Хаус“ и студио Димитрови и ова е петтиот сингл кој ќе се најде на третиот студиски албум „Сепак ми е забавно“.

Бендот кој е препознатлив по видео спотовите реши и за оваа песна да сними соодветна приказна. Видеото е во изработка на Горила Филмс продукција, а режисер е Јован Куциновски.