ГЕТЕ-институт и ОСТЕН – проект за дигитални карикатури на тема ЕУ

Препознавајќи ја и почитувајќи ја карикатурата како „најдемократскиот израз на секое општество” (Карел Чапек), ГЕТЕ-институт Скопје и ОСТЕН Светската галерија на карикатури Скопје го започнаа проектот за дигитална карикатура ЕУ – работа во тек…

Основна цел на проектот е да се почувствува пулсот за тоа како „будното око на општеството” – карикатуристите, ја перцепираат ЕУ и преку карикатурите да се пренесат пораки за европските вредности – заедништво, солидарност и заедничка иднина.

Накусо, проектот ги содржи следните активности:

– Два конкурси (отворени повици) за дигитални карикатури на тема „ЕУ” (еден за млади карикатуристи 18-35 години / еден за етаблирани карикатуристи, над 35 години)

– Онлајн настан (онлајн дискусија на тема „ЕУ” и симултано „цртање во живо” со победниците на конкурсот за етаблирани карикатуристи)

– Креативна работилница (3-дневна работилница за процесот и техниките на креирање на карикатури која ќе ја држи првонаградениот карикатурист на конкурсот за етаблирани карикатуристи)

– Две онлајн изложби (една за млади / една за етаблирани карикатуристи) и една заедничка изложба на карикатури во галерија ОСТЕН, Скопје (како завршен настан на проектот).

Повеќе за проектот можете да прочитате тука: http://www.osten.mk/eu-work-in-progress

Од вчера започна ОТВОРЕНИОТ ПОВИК #1 (за млади карикатуристи) и повеќе за првата активност на проектот прочитајте тука: http://www.osten.mk/otvoren-povik-1