ekran платформа за слободоумни
По погребот на принцот Филип, нивниот дедо, принцовите Хари и Вилијам биле забележани како заедно заминуваат и зборуваат, што е прв пат јавноста да ги види заедно откако помладиот брат се повлече од кралските должности.
Погребот на војводата од Единбург и сопругот на кралицата Елизабета Втора беше повод за првиот состанок на принцовите по повеќе од една година, кога принцот Хари и неговата сопруга Меган Маркл ја напуштија Велика Британија. Врската помеѓу двајцата браќа се олади доста по одлуката да ги напуштат кралските должности, а потоа и шокантното интервју што Хари и неговата сопруга Меган Маркл и го дадоа на Опра Винфри во кое тие го обвинија кралското семејство за недостаток на емпатија и расизам.
View this post on Instagram
Кога браќата ги извадиле црните маски по завршувањето на службата, читачи од усните тврдат дека Хари му рекол на својот брат дека погребот е „како што тој сакал“, пренесува британски The Sun. Принцот Вилијам одговорил: “Да, беше одлично, нели?”
Хари, наводно, го контактирал своето семејство пред да дојде во Велика Британија од Соединетите држави, првпат по една година, со цел да ги реши несогласувањата пред погребот на принцот Филип. Неговата сопруга Меган, која е во напредна бременост, наводно многу сакала да присуствува на погребот, но лекарите не и дозволиле.
За време на церемонијата, Хари и Вилијам биле оддалечени а меѓу нив одел братучедот Питер Филипс а во капелата седнале од спротивните страни, свртени еден кон друг. По завршувањето на службата, браќата направиле кратка прошетка заедно, а потоа, според читачите од усните, Вилијам рекол дека службата е убава, особено музиката.
View this post on Instagram
Експертот за говорот на телото Џуди Џејмс вели дека браќата се утешиле еден со друг по емотивната служба и дека изгледале „опуштено“ во „природниот момент на единство“ додека разговарале по погребот.
„Го видовме Хари како го гледаше Вилијам првиот пат кога излегоа од капелата и се збогуваа од домаќините, но кога тие (Вилијам и неговата сопруга Кејт Мидлтон) заминаа, Хари ги стигна и одеше и разговараше со нив. После неколку моменти на пријателски разговор, Кејт се повлекла да разговара со другите, оставајќи ги браќата сами во навидум релаксирана хармонија“, рекла Џејмс.
Фото: Принтскрин/Instagram
