40 изведувачи ќе настапуваат на забавите со наслов „Голема граѓанска прослава Македонија во НАТО и ЕУ”
Во сабота (14.07.2018), Владата ќе организира прослава по повод поканата од НАТО за влез на Македонија во Алијансата. Ќе има забави во 15 градови, во сабота во вечерните часови, а централната прослава ќе биде во Градскиот парк во Скопје од 21 часот на која ќе настапат Кирил Џајковски, Архангел, Këpurdhat.
40 изведувачи меѓу кои Кирил Џајковски, Архангел, Лозано, Љубојна, Нокаут, Владо Јаневски, ДНК, Елена Ристеска, Ерик Фокс и други ќе настапуваат на забавите со наслов „Голема граѓанска прослава Македонија во НАТО и ЕУ”, за што биле договорени пред повеќе од еден месец.