Животот на данскиот милијардер Андерс Холх Повлсен го одбележа страшна трагедија. Тој изгуби три деца во терористички напад пред три години.
View this post on Instagram
Сопственикот на АСОС и компанијата Bestseller и акционер на Zaland, Андерс Холх Повлсен (49), е најбогатиот Данец и еден од најмладите милијардери што се најде на листата на најбогати на Sunday Times. Минатата година го зазеде 28. место на таа листа, а годинава се најде и на листата на Форбс на најбогати со богатство од 13,6 милијарди фунти.
Тој е и сопственик на најголемиот имот во Шкотска, каде што има земјиште кое се протега на повеќе од 200.000 хектари.
View this post on Instagram
Неговото деловно патување започнало кога неговото семејство отворило семејна продавница во малиот дански град Рингкобинг во 1975 година. Тој ја презел палката на 28 години и оттогаш само ниже деловни успеси.
Сепак, сето тоа остана во сенка на страшната трагедија што го снајде неговото семејство пред три години.
Три од децата на Повлсен беа убиени во терористички напад во Шри Ланка во кој загинаа стотици луѓе. Неговите ќерки Алма (15) и Агнес (12) и синот Алфред (5) загинаа во бомбардирањето на три цркви истовремено, додека неговата ќерка Астрид преживеа.
View this post on Instagram
Една година по трагедијата што ги скрши, семејството Повлсен сепак доби добри вести. Данскиот милијардер и неговата сопруга Ен Сторм Педерсен станаа родители на близнаци на почетокот на 2020. година.
Неговата сопруга исто така е деловна жена, а заедно се сопственици на познатиот бренд Jack&Jones. Се запознале додека таа работела во неговата компанија Bestseller, поточно седела во одборот на директори.
Фото: Принтскрин/Instagram