Иако за време на нивната венчавка сите очи биле вперени во Меган Маркле и принцот Хари, многумина кои внимателно набљудувале не можеле да не го забележат атрактивниот младиќ окружен со три жени. Станува збор за прв братучед на принцот Хари, 24. годишниот Луис Спенсер, син на вујко му, братот на починатата принцеза Дијана.
Луис Спенсер (24) односно виконт Алторп, како што му е титулата, од црквата до местото за свечениот ручек се прошетал во друштво на три дами – својата мајка Викторија Ејкен и сестрите,лејди Елајза и лејди Кити Спенсер, а за својот изглед, токму како и неговите сестри може да заблагодари на добрите гени.
Пред да се омажи за помладиот брат на принцезата Дијана, грофот Чарлс Спенсер, Викторија била манекенка. По нејзините стапки тргнала и Кити, која веќе станала омилен модел на модната куќа „Долче&Габана“.
Британскиот аристократ е сон на многу девојки ширум светот, а особено во Велика Британија, бидејќи освен добриот изглед и угледното семејство од кое потекнува, дипломирал на Универзитетот во Единбург.Според последните податоци засега во неговиот живот нема жена која го привлекла.