(ФОТО) Синоќа на небото над регионот е забележан интересен феномен: Еве за што станува збор!

На небото над регионот синоќа се појави „прстен“ или лунарен ореол, што го привлече вниманието на многу набљудувачи. Овој оптички феномен се јавува кога месечевата светлина се прекршува преку ледените кристали присутни во атмосферата, создавајќи кружен ефект.
Цирусните облаци, пронајдени на 6.000 метри или повеќе во атмосферата, содржат ситни ледени кристали кои потекнуваат од замрзнувањето на капките вода.

Тие ледени кристали ја свиткуваат светлината исто како леќата на фотоапаратот. Обликот на ледените кристали ја фокусира светлината во ореолот околу Месечината.

Бидејќи сите ледени кристали се обично шестоаголни, прстенот на Месечината е скоро секогаш со иста големина: има аголен дијаметар од 22 степени. Понекогаш е можно да се открие и втор прстен со аголен дијаметар од 44 степени.

Луѓето порано мислеле дека лунарниот ореол значи дека наскоро ќе дојде лошото време. Dalmacija Danas објави фотографии направени во Жрновница кај Сплит. Читателите на Klix.ba испратиле и фотографии од овој оптички феномен над Сараево.

Фото: Принтскрин/Dalmacijadanas