Американската актерка Шенон Доерти на социјалните мрежи сподели шокантни детали за нејзината битка со ракот на дојката во четврта фаза, кој се проширил во мозокот.
View this post on Instagram
„КТ скен на 5 јануари 2023 година покажа метастази на мозокот. Вчерашното видео го покажа процесот на ставање на маската што ја носите за време на зрачењето на мозокот. Првиот круг на зрачење започна на 12-ти јануари. Мојот страв е очигледен. Јас сум исклучително клаустрофобична и многу работи се случуваат во мојот живот. Среќна сум што имам одлични лекари како Амин Мирахди и медицинските техничари во болницата Седарс-Синај, но тој страв… Промените… Времето што ќе дојде… Вака може да изгледа ракот“, изјавила таа во описот на снимката.
Таа претходно изјави дека пишува проштални писма и снима пораки за нејзиното семејство. Таа ја подготви облеката во која сака да биде погребана.
„Подготвив фустан кој го добив од една од моите најдобри пријатели пред неколку години. Се чувствувам посебно во него. Сакам да бидам убава. Сакам да останам во најдоброто сеќавање на сите. Во последните месеци се обидувам да поправам некои грешки, да им се извинам на луѓето што ги повредив свесно или несвесно. Се трудам да го живеам животот максимално и да уживам во малкуто време што ми преостанува“, рекла таа.
Таа во јануари годинава по 11 години брак се разведе од режисерот Курт Исвариенко откако дозна дека ја изневерил.
Фото:Архива