ekran платформа за слободоумни
Моментално петчленото семејство се „усидрило“ северозападно од Шолта, а ќерката Систине на социјалните мрежи објавува како семејството го минува слободното време.
Глумецот Силвестер Сталоне (72) неодамна пристигнал во Сплит со сопругата Џенифер Флавин (50) и ќерките Систине (21), Софија (22) и Скарлет (17). Американската ѕвезда одморот го минува на Јадранскиот брег на јахтата „Меира“ чие изнајмување за една недела чини 133.000 евра.
Моментално петчленото семејство се усидрило на островот Дрвеник Вели, северозападно од Шолта, а ќерката Систине на социјалните мрежи објавува како семејството го минува слободното време. „Меира“ е една од најлуксузните јахти од Хрватска, направена е во 2018. година и е долга 55, а широка 10. метри.
Освен што има шест кабини кои се опремени со бањи, ЛЕД ТВ, куќен кино систем и големи ормани, на јахтата има и сауна и соба за масажи.
Систине на својот профил на Инстаграм открила уште една предност на јахтата, а тоа е водениот тобоган долг неколку метри на кој нејзиното семејство го минало попладнето во средата. Нејзините обожаватели забележале дека на нивната јахта, освен семејството, се наоѓа и млад маж кој се дружи со Систине, а се шушка дека станува збор за нејзиниот дечко.
Исто така, освен воден тобоган, тука бил и глисерот, џет ски, опрема за кану, нуркање и риболов. Додека не е сезона цената на наем е 105.000 евра, а кога е сезона 133.000 евра.
