(ФОТО) САКА ДА ЈА ОТСТРАНИ СТИГМАТА – Холивудската актерка позирала со бастун за насловната страница на „Вог“: Храбро се справува со дијагнозата

Холивудската актерка Селма Блер позирала на насловната страница на британскиот Vogue со бастун во рацете, решавајќи да зборува за нејзината дијагноза на мултиплекс склероза и помошта од „видливоста“ и за отстранување на стигмата околу самата болест.
„Имам емотивна и физичка приврзаност кон стапот“, изјавила за магазинот актерката, која е најпозната по улогата во филмот „Сурови намери“ а во 2018 година и била дијагностицирана мултиплекс склероза.
Блер позирала во беж фустан и соодветни потпетици на Валентино за насловната фотографија, нарекувајќи го бастунот нејзино „продолжение“.
„Знам дека тоа ја зголемува видливоста. Толку многу помлади луѓе почнаа јавно да ги прифаќаат и да ги покажуваат своите бастуни“, продолжила таа.

View this post on Instagram

A post shared by Selma Blair (@selmablair)

„Мислам дека претставувањето е важно. Ако можам да помогнам да се отстрани стигмата или прекумерната љубопитност во толпата за некој друг, тогаш тоа е одлично“, додала таа.
На друга фотографија Блер носи црн фустан без прерамки The Row и чевли од велур Маноло Бланик, држејќи бастун пред себе.
Националното здружение за мултиплекс склероза ја дефинира МС како „болест што влијае на мозокот, ‘рбетниот мозок и оптичките нерви, кои го сочинуваат централниот нервен систем и контролираат сè што правиме“. Симптомите може да вклучуваат проблеми со меморијата и говорот, болка, замор и тешкотии при одење.

Selma Blair covers British Vogue with cane amid MS battle: 'Representation matters' https://t.co/T2ThjfuVia pic.twitter.com/PTAm0A9sxf

— Brightly (@BrightlyAgain) April 20, 2023

Актерката стана застапник на заедницата за попреченост по нејзината дијагноза, а за британскиот Vogue зборувала зошто се повлекла од актерството.
Блер – која претходно откри дека дури и нејзиниот лекар ја советувал да ја чува дијагнозата во тајност од работа – го нарекла престојот на сетот „измачување“ додека се справувала со „исцрпеноста и тиковите“ предизвикани од болеста.
Актерката денес се залага за заедницата со попреченост, велејќи дека се надева на поголема инклузивност во индустријата бидејќи таа и другите продолжуваат да свртуваат внимание на состојбата.

Фото: Принтскрин/Instagram