ekran платформа за слободоумни
БРАЈЕН АДАМС беше позитивен на коронавирус по втор пат за еден месец. Пејачот се огласил на Инстаграм и напишал дека се тестирал веднаш по пристигнувањето на аеродромот во Милано.
„Еве ме, штотуку пристигнав во Милано и по втор пат за еден месец сум позитивен на Ковид“, напишал тој на социјалните мрежи покрај фотографијата од аеродромот.
Веќе во октомври, Адамс мораше да се откаже од својот настап на церемонијата на „Рокенрол Куќата на славните“, откако беше позитивен на коронавирус. Неговиот портпарол тогаш изјави дека музичарот бил вакциниран и немал никакви симптоми.
„Можеби тој сè уште го има вирусот во себе, па затоа е позитивен. Откривме дека кај некои луѓе со ослабен имунолошки систем, вирусот може да се задржи“, коментирал д-р Ентони Фаучи за случајот на Адамс за CNN.
„Не знам ништо за неговата здравствена состојба, така што навистина не сакам да дадам каков било коментар за тоа“, додал тој.
Фото: Принтскрин/Instagram
