ekran платформа за слободоумни
Нејзината кариера од 2000. година тргнува по нагорна линија, кога станала забележана во филмот „Блискост“. За улогата во овој филм била номинирана и за Оскар,а освоила Златен глобус…
Натали Портман со вистинско име Натали Хершлаг е родена на 9. јуни 1981. година во Ерусалим. Натали уште од малечка ја засакала глумата, а посебниот талент ја издвоил и така веќе со 12. години ја добила првата улога во филмот „Леон“, рамо до рамо покрај славниот Жан Рено.
Натали одела во еврејско училиште, а филмската кариера во еден момент ја жртвувала поради образованието. Можеби не сте знаеле, но Натали е една од ретките образовани дами во Холивуд. На Харвард завршила психологија, а потоа дипломирала и на Еврејскиот универзитет.
Освен што е факултетски образована, Натали течно говори хебрејски и англиски, а разбира француски, германски, јапонски и шпански.
Нејзината кариера од 2000. година тргнува по нагорна линија, кога станала забележана во филмот „Блискост“. За улогата во овој филм била номинирана и за Оскар,а освоила Златен глобус.
Потоа ниже вистински филмски хитови како што се „В за Вендета“, „Втората ќерка на Болен“, а во 2011. година го добила престижниот Оскар за улогата во „Црн лебед“ како и голем број други награди. Натали во овој филмски хит игра професионална балерина а патот за спремање на улогата воопшто не бил лесен.
„Тоа беше голем предизвик, и имав огромна поддршка. Сите наставници, кореографи, режисерот пред се ме обликуваа и туркаа по тој пат. Почнав од основните балетски движења, два часа дневно првите шест месеци. Наредните шест емсеци по пет часови дневно. Додадовме и пливање. Потоа два месеци по осум часови дневно. Физичката дисциплина ми помогна да ја совладам емоционалната страна на ликот. Животот на балетски играч е сличен на монашкиот живот. Тие не пијат, не излегуваат навечер, не јадат, и константно телото го изложуваат на болка“, рекла тогаш глумицата.
Во текот на снимањето Натали Портман го запознава сегашниот сопруг, балетски играч и кореограф Бенџамин Милпије. Во декември 2010. ја објавиле свршувачката и среќната вест дека Натали е бремена.
Во јуни 2011. парот го добил синот Алеп, а следната годиан се венчале на интимна еврејска церемонија во Калифорнија. Во 2017. година ја добиле ќерката Амалија.
Бенџамин моментално е директор на балетот во париската опера а неодамна поради својата сопруга ја променил верата.
Францускиот кореограф рекол дека му е многу важно да биде иста вера како и неговата мила и дека сака да премине во јудаизам.
