Покајание, „пеглање“ работи, придобивки… Меган Маркл и принцот Хари сакаат да го променат документарецот што го снимија во соработка со Нетфликс и да го одложат неговото емитување.
Принцот Хари и Меган Маркл преземаат драматичен пресврт во нивните претстојни проекти по смртта на кралицата Елизабета Втора, изјавиле повеќе извори за Page Six.
Војводата и војвотката од Сасекс повеќе од една година работат на документарен филм како дел од милионскиот договор со Нетфликс. Шефовите на оваа продукциска куќа, кои сè уште официјално го немаат објавено проектот со нив, се надевале дека документарецот ќе го емитуваат во декември по петтата сезона на тв серијата „Круна“. Славниот пар сега сака да направи повеќе промени и потенцијално да го помести објавувањето до 2023. година.
View this post on Instagram
И мемоарите на принцот Хари се одложени за следната година, иако требаше да бидат објавени за два месеци.
Голем број луѓе запознаени со односите на британскиот двор рекле дека таткото на Хари, кралот Чарлс III, ќе го одложи доделувањето на титулите принц и принцеза на внуците Арчи (3) и Лилибет (1) до објавувањето на различните медиумски проекти на неговиот помлад син и снаа.
Меган и Хари учествувале во уредувањето на книгата и документарецот, а изворите сега велат дека парот сака да се повлече или да го намали тонот на многу од она што го кажале за кралот Чарлс, кралицата сопруга Камила, принцот Вилијам и Кејт Мидлтон.
View this post on Instagram
„Во тек се многу преговори. Слушам дека Хари и Меган сакаат документарецот да се одложи за следната година, тие сакаат да се откажат“, рекол изворот.
Висок претставник на Нетфликс рекол: „Нетфликс сакаше шоуто да биде подготвено за емитување во декември. Има голем притисок врз извршниот директор Тед Сарандос, кој е во контакт со Хари и Меган, да го заврши ова шоу“.
View this post on Instagram
Односите меѓу Меган, Хари и дворот се повеќе од комплицирани. Почитта кон кралицата секако одигра важна улога во нивната одлука, како и спречувањето на нови скандали веднаш откако семејната ситуација донекаде се подобри. Тука се и титулите, а тие веројатно веќе не сакаат да бидат главни иницијатори за афери, макар и во јавноста.
Фото: Принтскрин/Instagram