Австралиската актерка Сара Снук (33) тајно се омажила за својот најдобар пријател Дејв Лосон, во кого се заљубила за време на карантинот поради коронавирусот.
Sвездата од серијата „Succession“ и 43-годишниот Дејв се вериле во октомври минатата година, откако таа го запросила. Двојката се венчала во дворот на нејзината куќа во Њујорк, каде што живее веќе некое време, уште во февруари, но тоа дури сега се дознало.
„На почетокот на пандемијата во Мелбурн, се изолирав со еден од моите најдобри пријатели и се вљубивме. Ние сме пријатели од 2014. година, живеевме заедно, патувавме заедно, секогаш бевме возбудени кога ќе се видевме, но сето тоа беше потполно платонски“, рече таа во интервју за „Вог“.
Таа додала дека ѕвездите им се усогласиле, и меѓу нив се родила романса, како во филмска приказна, и ако не се случеше пандемијата, веројатно немаше да завршат заедно.
Гласините за венчавката се појавија кога Сара се појавила на премиерата на третата сезона на серијата „Succession“ во Њујорк со блескав прстен на раката.
Фото: Принтскрин/Instagram