ekran платформа за слободоумни
Принцот Хари ќе присуствува на крунисувањето на неговиот татко, кралот Чарлс III во Лондон, а Меган Маркл ќе престојува во Калифорнија со синот Арчи и ќерката Лилибет, јавуваат светските медиуми.
Бакингемската палата ја потврди информацијата во денешното соопштение, велејќи дека „со задоволство потврдуваат“ дека војводата од Сасекс ќе биде во Вестминстерската опатија на 6 мај.
View this post on Instagram
Војвотката ќе остане дома во резиденцијата на парот во Монтесито со едногодишната Лилибет и Арчи, чиј четврти роденден е на истиот ден со настанот, пишува Daily Mail.
Хари и Меган ја одложувале својата одлука дали да присуствуваат на церемонијата.
Се смета дека неизвесноста околу присуството на семејството Сасекс ги оставила кралските службеници неспособни да потпишат договор за седење, транспорт и безбедност.
View this post on Instagram
Портпаролот на палатата го потврди присуството на војводата од Сасекс на 6 мај, ставајќи крај на шпекулациите за неговото пристигнување.
Пријател на семејството Сасекс, Омид Скоби, се огласи на Твитер, коментирајќи дека ова ќе биде „брзо патување за принцот Хари кој оди во Велика Британија само за да присуствува на крунисувањето на неговиот татко“.
Фото: Принтскрин/Instagram
