ekran платформа за слободоумни
Многумина го спомнаа можното помирување на принцовите Хари и Вилијам по повод одбележувањето на 60-от роденден на нивната покојна мајка.
Сепак, сега целата надеж падна во вода. Имено, по откривањето на статуата на принцезата Дајана во палатата Кенсингтон, браќата едвај разговарале, а по церемонијата поминале само 20 минути заедно.
Некогаш неразделните браќа, кои не се виделе од погребот на принцот Филип, кога Вилијам дури и’ побарал да не оди со Хари, сега се во уште полоша врска, а извори блиски до браќата рекле: „На Хари е скоро невозможно да му се верува”
Врската меѓу браќата се влошила и веројатно трајно се сменила прво кога се појавија обвинувања дека сопругата на Хари, Меган Маркл, го малтретирала персоналот на палатата, а потоа и кога Хари и Меган дадоа интервју за Опра Винфри во кое направија серија остри обвинувања против палатата и кралството. Меган се чувствувала незаштитена за време на бременоста и размислувала за самоубиство.
И на Вилијам и на неговиот татко, принцот Чарлс, не им се допаѓало тоа што Хари, по интервјуто со Опра, продолжил да разговара, за интимни работи, со Гејл Кинг од телевизијата CBS, што ги натерало да одбијат да се сретнат со Хари насамо и да разговараат во четири очи . Имено, ниту татко му ниту брат му не му веруваат доволно на Хари за да разговараат со него приватно.
„И покрај фактот дека Хари и Вилијам се сретнаа со една цел, да го обележат оставината на нивната мајка, Хари бил целосно исклучен од кралското семејство. Тие го организирале потребното шоу, го направија потребното за да се осигура дека денот ќе помине во најдобар ред, а потоа се збогувале“, вели изворот.
Хари, кој се врати во САД веднаш по откривањето на статуата на неговата мајка, сега е повторно обединет со неговата сопруга Меган, која не го видела кралското семејство од Мегзит, односно напуштање на семејството.
Фото: Принтскрин/Instagram
