ekran платформа за слободоумни
Сопругата на британскиот принц Вилијам, Кејт Мидлтон, од петокот е во самоизолација, откако дознала дека била во контакт со лице на кое му било дијагностициран коронавирус по тестирањето минатата недела.
Иако била вакцинирана и нема симптоми на инфекција, војвотката од Кембриџ ги откажала сите свои обврски во согласност со упатствата на британската влада.
„Војвотката беше во контакт минатата недела со личност која беше тестирана на коронавирус по тој состанок“, изјавил претставник на палатата Кенсингтон, пренесува Ројтерс.
Иако не било прецизирано кога и со кого Војвотката била во контакт, јавноста шпекулира дека ризичниот контакт може да се случил во петокот, за време на престојот на Кејт Мидлтон на терените на Вимблдон.
Во тоа време, војвотката беше во друштво на извршната директорка на Вимблдон, Сали Болтон и поранешниот британски тенисер Тим Хенман, пред да замине во кралската ложа, каде разговарала со британскиот тренер Џо Викс. Но, била и во посета на музејот на Вимблдон, како и во главната кујна…
Фото: Принтскрин/Instagram
