ekran платформа за слободоумни
Во едно неодамнешно интервју, актерката Кристина Еплгејт зборуваше за тоа каков е нејзиниот живот откако и беше дијагностицирана мултиплекс склероза.
View this post on Instagram
На американската актерка Кристина Еплгејт и претстои значаен период. Наскоро ќе започне емитувањето на последната, трета сезона на серијата на Нетфликс „Dead to me“, во која таа ја толкува едната од двете главни улоги.
Тој црно-хумористичен проект и значи многу – времето што го поминала на снимањето бил нејзиниот „спас“ кога ќе потоне во криза, обземена од тага и гнев, иако нејзините пристигнувања на сетот биле физички исклучително тешки и напорни.
Познатата актерка се потешко се движи поради болест
Имено, на поранешната ѕвезда на серијата „Брачни води“ и била дијагностицирана мултиплекс склероза во август 2021 година и оттогаш ретко се појавувала во јавноста. Таа направила отстапка за „The New York Times“, а повод за интервјуто е почетокот на последната сезона на „Dead to Me“ на 17. ноември.
„Прв пат ќе ме видите таква каква што сум. Не можам да одам без бастун, секој чекор е болен, а знам дека поради болеста се здебелив. Сакам луѓето да знаат дека сум болно свесна за се“, започнала актерката.
I have a very important ceremony coming up. This will be my first time out since diagnosed with MS. Walking sticks are now part of my new normal. Thank you @neowalksticks for these beauties. Stay tuned to see which ones make the cut for a week of stuff. pic.twitter.com/O543p1G4vS
— christina applegate (@1capplegate) October 27, 2022
Мултиплекс склероза е неизлечива болест во која имунолошкиот систем ја јаде заштитната мембрана на нервите и го прекинува протокот на информации помеѓу мозокот и телото, предизвикувајќи сè потешка подвижност.
Ова не е првпат таа да се соочи со сериозна дијагноза. Имено, актерката пред пет години беше успешно излечена од рак на дојка, но целиот процес беше и многу стресен и болен и физички и психички. По операцијата се врати на јавниот живот, снимаше, се чинеше дека е во ред додека минатата година не доживеа нов шок.
Нејзе и требаше време да го прифати ова, па снимањето на серијата беше накратко прекинато оваа пролет за да собере сили и да се соочи со незавидната ситуација.
„Морав да обработам и да разберам што ми се случува, да прифатам загуба на дел од мојот живот. Тоа време ми требаше, иако бев свесна дека кога ќе заврши паузата и ќе се вратам на сетот, нема да можам да кажам: ‘Леле, сега сум супер, сега се е во ред’“.
Таа раскажа и дека некако ги пропуштила првите знаци на болеста. Таа почнала да губи рамнотежа за време на снимањето на првата сезона од серијата. Во една сцена од танцот, таа наеднаш изгубила рамнотежа, но во тоа време на тоа не му придавала големо значење, пишува Дејли Мејл.
„Би сакала да се вратам во времето и да обрнувам внимание на такви работи, но што е тука е“, вели таа, свесна за фактот дека се фаќа за сламки бидејќи болеста може да се забави ако се открие навреме. но не може да се излечи.
Исповедта завршила со тврдењето дека нејзиниот живот е неверојатно променет, а како што вели најлошото од се е што не може да направи ништо околу тоа. Сега се труди да го направи најдоброто со тоа што и останало.
„Токму затоа нема да ја гледам третата сезона на ‘Dead to Me’ кога ќе почне да се прикажува, мислам дека премногу би болела“, заклучува актерката.
Фото: Принтскрин/Instagram
