(ФОТО) Наташа Беквалац, по претепувањето, бара развод!

Пејачката, според извори на српските медиуми, покрај видливите модринки и гребаници, доживеала и потежок потрес на мозокот
Наташа Беквалац поднела кривична пријава против сопругот Лука Лазукиќ, кој ја претепал, дознава „Блиц“. Српскиот весник во текстот пренесува и изјава на нејзиниот адвокат, кој потврдил дека пејачката ќе започне бракоразводна парница, зашто сака што побрзо да се раздели од Лука.
Наташа ќе бара старателство над заедничката ќерка Катја.
„Лука е уапсен. Очекуваме да му биде одредено задржување од 48. часа, а потоа и притвор поради опасност да го повтори делото. Засега толку. Не барајте ја Наташа, не може да зборува за тоа“, рекол Немања Влачек, адвокат на пејачката.
Некогашниот спортист и ИТ-стручњак Лука Лазукиќ пуштен е да се брани од слобода, зашто Обвинителството не му одредило мерка задржување. Лазукиќ добил мерка забрана да и’ приоѓа на Наташа Беквалац, дознава Курир.рс.
„Се вратив од град и си легнав. Во еден момент Наташа ми нашла пораки со три жени. Почна да се дере и ме нападна. Само ја оттурнав за да не ме удри. Е во тој момент падна“, изјавил Лазукиќ на сослушувањето, дознава Курир.
Лазукиќ бил приведен од станот на неговите родители.
Беквалац, според извори на српските медиуми, покрај видливите модринки и гребаници, доживеала и потежок потрес на мозокот, а во станот биле дадилката и бебето.