ekran платформа за слободоумни
Дизајнерите кои ја создадоа внатрешноста на најтенкиот облакодер во светот споделија фотографии на кои е прикажан неговиот луксузен ентериер.
Њујоршката фирма Студио Софилд ја открила внатрешноста на кулата Steinway, новоизградениот облакодер висок 435 метри со поглед на Централ парк.
Објавата го најави завршувањето на раскошната градба во центарот на Менхетен, која била изградена на местото кое некогаш го користела компанијата Steinway & Sons.
Облакодерот од 91 ката содржи 46 апартмани и дуплекс. Фотографиите објавени од дизајнерите овој месец покажуваат раскошни лобија украсени со варовник, мермер, челик и кадифе, сиви цврсти дабови подови и оригинални уметнички дела на Пикасо и Матис.
The thinnest skyscraper in the world: Steinway Tower.https://t.co/IfHCIHUVco pic.twitter.com/igOIf6hpYR
— ParametricArchitecture (@parametricarch) October 26, 2022
Според Студио Софилд, внатрешноста на кулата Стајнвеј била дизајнирана да ја евоцира грандиозноста на златното доба на Њујорк, период кон крајот на 19 век кога градските булевари биле оивичени со прекрасни куќи. Се наоѓа на улицата „Мидтаун“ исполнета со блескави згради, која станала позната како „Billionaire’s Row”“ (Редот на милијардерот).
Основачот на студиото Софилд, Вилијам Софилд, изјавил за Си-Ен-Ен дека сака кулата да има непогрешливо њујоршко чувство.
Cómo es el fascinante interior del Steinway Tower, el rascacielos más delgado del mundo https://t.co/K1ltPa9juM pic.twitter.com/M0oWmTGBgI
— infobae (@infobae) November 25, 2022
„Сите сме биле на многу луксузни места, но сакав да направам зграда која не би можела да биде никаде на друго место во светот“, рекол тој.
„Сакав да создадам многу посебно искуство што може да се доживее само во Њујорк“, објаснил тој.
Фото: Принтскрин/Twitter/Adrian Gaut
