Мачките се миленичиња што можат многу добро да се вклопат во околината во која се наоѓаат. Тие се во состојба да се качуваат и да скокаат по кујнски елементи и мебел и да спијат во секој агол од домот, така што понекогаш е многу тешко да се најдат.
Кејт Хиндс, сопственичка на мачката Нора, на својот профил на Твитер споделила фотографија која ги намачила нејзините следбеници.
“Можете ли да ја најдете мачката?”, прашала и прикачила фотографија на која се гледа како има голема полица со книги, телевизор и други работи во дневната соба.
Today in find the cat pic.twitter.com/P6soGOv8k1
— Kate Hinds (@katehinds) June 7, 2020
Ако не можевте да ја пронајдете, еве каде се крие.
Како што Кејт објаснила за „Додо“, Нора најмногу сака да спие на тоа место. Таа веќе ја усовршила вештината за вовлекување во минијатурни простори.
“Знам 99% од нејзините скривалишта. Претежно секогаш можам да ја најдам, но ако понекогаш не знам каде е, знам дека нашла ново место за одмор”, објаснила таа.