ekran платформа за слободоумни
Актерската легенда во понеделеникот вечер, во Мадрид, се појавил на црвениот тепих на премиерата на филмот „Вечера“. Ричард Гир пристигнал со својата убава девојка Алејандра Силва, а на новинарите им изјавил дека нивната љубов е се’ посилна…
Откако се вљубиле во 2015. година, глумецот Ричард Гир и неговата 33. години помлада девојка Алејандра Силва не се разделуваат. Така било и за време на премиерата на филмот „Вечера“. Двојката по црвениот тепих се прошетала многу ускладена, во црно – бела комбинација, а глумецот не се срамел да ја покаже својата љубов кон Алејандра цврсто држејќи ја за рака додека насмеани им позирале на фоторепортерите.
Гир, освен „Вечера“, неодамна го промовирал и „Три Христа“, а во него глуми прихијатар кој лекува три лица кои мислат дека се Исус.
Со 34. годишна ПР стручњакиња, ќерка на Игнацио Силва, бивш финансиски потпретседател на фудбалскиот гигант Реал Мадрид, ја започнал врската уште додека бил во брак со Кери Ловел. Првпат заедно се видени на хуманитарен настан во Шпанија, во септември 2016. година. Врската поради деловни обврски ја одржуваат на релација Мадрид – Њујорк, а заедно се ангажирани во бројни хуманитарни организации и проекти.
Колку Алејандра е вљубена во Гир, покажува со честите фотографии на Инстаграм. Неодамна таму му го честитала роденденот со нежната порака:„
Денес го славиме твојот ден. Среќен ти роденден, најмило мое! Благодарна сум што во мојот живот имам извонредно и посебно човечко битие. Поради тебе знам што е важно во животот. Бескрајно те сакам со сето мое срце“.
