Британската кралица Елизабета Втора денеска изјави дека ја трогнале сите почести што му биле дадени на нејзиниот сопруг принцот Филип, во нејзиното прво јавно огласување по неговата смрт на почетокот на овој месец.
„Додека ние сме семејство во период на голема тага, беше утеха за сите нас да видиме и да слушнеме за почестите што луѓе од Велика Британија, Комонвелтот и целиот свет му ги дадоа на мојот сопруг“, напишала, на социјалните медиуми, кралицата, која денес го слави својот 95-ти роденден.
Happy Birthday Queen Elizabeth II 🥰🇬🇧Sending so much love to you from afar! #HerMajesty #95th pic.twitter.com/nWh1aQqaX3
— Lady Skylar McCready (Hermitessa of Art) (@artbyskym) April 21, 2021
„Моето семејство и јас сакаме да им се заблагодариме на сите за поддршката и љубезноста што ни беше покажана последните денови“, додала британската кралица.
„Длабоко сме трогнавме и продолжуваме да бидеме потсетувани дека Филип имал толку несекојдневно влијание врз безброј луѓе за време на неговиот живот“, рекла таа.
View this post on Instagram
Во изјавата објавена на социјалните мрежи, која ја потпиша како Елизабет Р., британската кралица напиша дека добила многу убави желби за нејзиниот 95-ти роденден, за што е многу благодарна.
Good morning everyone & A very happy 95th birthday to HRH Queen Elizabeth II today 🇬🇧💙🇬🇧 pic.twitter.com/rwZiDBoVf4
— 𝕊𝕥𝕖𝕡𝕙 𝔾 (@SG68RFC) April 21, 2021
Таа својот роденден го слави во тишина во замокот Виндзор. Некои членови на кралското семејство ќе бидат со неа денес.
Нејзиниот роденден „падна“ за време на двонеделната кралски жалост за принцот Филип, кој се почитува до петок.
I would like to send my warm wishes to Her Majesty The Queen on her 95th birthday.
I have always had the highest admiration for Her Majesty and her service to this country and the Commonwealth.
I am proud to serve as her Prime Minister.
— Boris Johnson (@BorisJohnson) April 21, 2021
Британскиот премиер Борис Џонсон е еден од многуте кои и испратија најдобри желби на британската кралица на нејзиниот роденден.
„Отсекогаш се воодушевував од нејзиното височество и од нејзината услуга кон оваа земја и Комонвелтот“, напишал Џонсон на Твитер.
„Горд сум што сум нејзин премиер“, рекол тој.
Фото: Принтскрин/Instagram