ekran платформа за слободоумни
Двојката на средбата со Светата столица имала црна облека, како што наложува ватиканскиот протокол.Пејачката и глумецот во2016. година објавија дека раскинале после две годишна врска…
„Ве поздравувам од Рим, поточно од Ватикан каде сум со мама, милиот и менаџерот. Денот е прекрасен а јас сум многу среќна што можам да бидам тука“ се пофалила Кети Пери (33) дека го запознала Папата и објавила слика и видео на социјалните мрежи.
Пејачката на средбата со Светата Столица го повела својот „стар нов“ дечко, глумецот Орландо Блум (41) и така конечно ги потврдила нагаѓањата дека повторно се заедно. Кети и Орландо во 2016. објавиле дека раскинале после две години врска, но и дека и’ понатаму се почитуваат.
Пери во Ватикан дошла службено, ќе говори за медитацијата на седмата конференција „Unite to Cure“ – годишна конференција на која угледни луѓе од разни подрачја на општественото делување дискутираат за тоа како најдобро да се искористи технологијата во служба на здравјето и промовирањето на здравствената заштита.
За време на тридневната конференција, Пери, кој е инаку една од петте најдобро платени изведувачки во светот, и Блум го запознале папата Фрањо, а и двајцата, како што наложуваат ватиканските протоколи носеле црна облека. Пери имала фустан и шешир со кус обод додека Орландо облекол црн костум.
Папата во својот говор на конференцијата ја нагласил важноста на првентивата во здравството и ги пофалил новите можности во лекувањето и сузбивањето на симптомите кај автоиуните, невролошки болести и ја истакнал важноста на превентивната медицина.
Изведувачката на хитовите „I Kissed A girl“, „Hot N cold“ и „California Gurls“ родителите ја воспитале во христијанска вера,а во детството одела во евангелиска црква. Блум од својата 16.година се изјаснува како будист.
THE DAILY STAR FRONT PAGE: "Blooming oarsome Orlando" #skypapers pic.twitter.com/YrwMX2IX0p
— Sky News (@SkyNews) August 3, 2016
„Повторно се заедно. Кети сака работите овојпат да функционираат како што треба“ истакнал неодамна пријател на пејачката. „Ново стариот“ пар одлучил врската да не ја изложува во јавност и дека ќе се концентрираат на се што не функционирало. Имено, во минатото си ги коментирале објавите на социјалните мрежи а и фотографите „ги уловиле“ на годишниот одмор во Италија во 2016. година кога Блум, потполно гол,ја „возел“ Пери на даска за срфање.
