Благодарение на успехот на серијата на Нетфликс „Формула 1: Возете за да преживеете“, најбрзиот циркус во светот привлече многу нови фанови, а истиот ефект треба да го има и претстојниот филм.
Веќе е познато дека Кијану Ривс работи на документарен филм за Формула 1, односно за тоа како Браун ГП му овозможил на Џенсон Батон да ја освои својата единствена титула светски шампион, но тоа не е се, бидејќи работи и неговиот колега, актерот Бред Пит,исто така работи на филм во соработка со седумкратниот шампион во Ф1, Луис Хамилтон.
Пит беше на патеката во Остин изминатиов викенд за Големата награда на САД, со цел да го запознае светот на Ф1 и да стекне нови искуства.
Сепак, сега директорот на Формула 1, Стефано Доменикали, открил дека Пит и остатокот од екипата ќе го снимаат филмот за време на тркачките викенди следната година. Тоа ќе се случи во вториот дел од 2023 година, а вистинските возачи и нивните тимови ќе бидат дел од акцијата.
Доменикали рекол дека верува оти филмот ќе помогне во растот на спортот и ќе овозможи подлабоко истражување. Доза на автентичност секако ќе обезбеди Хамилтон, кој игра важна улога во проектот како продуцент.