ekran платформа за слободоумни
Немало сомнение дека Арнолд Шварценегер заработил голем хонорар за неговата легендарна улога во „Терминатор“, но начинот на кој ја пресметал бројката што „легнала“ на неговата сметка е невообичаен.
Актерот добил неверојатни 21.429 УСД по збор во филмот „Терминатор 2: Судниот ден“.
Тој глумел во тој филм во 1991. година и изговорил 700 зборови, што значи дека заработил 15 милиони долари со таа улога, пишува Lad Bible.
Седум години порано, тој заработил 750.000 УСД во првиот дел од Терминатор. Во тоа време, неговиот лик имал помалку текст во сценариото.
View this post on Instagram
Првите два дела на оваа франшиза ги режираше Џејмс Камерон, па тој подоцна го напуштил проектот поради проблеми со авторските права со овие филмови за војната меѓу луѓето и машините.
Тој се вратил да го режира шестиот дел од франшизата, а приказната продолжила на првиот и вториот дел од филмот, прескокнувајќи дури три филма претставени од други режисери.
Камерон тогаш објаснил дека дејството на шестиот дел логично нема да продолжи на „Подемот на машините“ од 2003. година, „Спас“ од 2009. година и „Генисис“ од 2015. година, бидејќи тие филмови се како „лош сон“.
Фото: Принтскрин/Youtube
