Нова ТВ ја раскинала соработката со харизматичниот Иван Херцег во сапуницата „Чиста љубов“ од „продукциски причини“. Продукцијата иако ги потврдила информациите, не сакала да изнесува детали.
Сепак, како што пишуваат хрватските медиуми, Иван Херцег се однесувал многу безобразно со колегите и колешките и бил неподнослив на снимањето, иако нема никакви официјални изјави.
Местото на Херцег ќе го пополни Јанко Поповиќ Волариќ, кој ќе го игра ликот на Тома.
„Мило ми е што сум дел од овој проект и верувам дека можам многу да придонесам, рекол Поповиќ Волариќ за Дневник.хр.
„На сите оние кои во последно време се обидоа да ме оштетат, на овој или на оној начин, директно или индиректно, на сите ви простувам и се молам за вас“, напишал Херцег на Инстаграм.
Но, после првичната објава, Херцог на Инстаграм ставил уште една во која вели:„Ви благодарам мили мои, а таму некои веројатно имаат причини зошто го прават сето тоа“.