Луксузниот бренд Луј Витон го направи невозможното – принудувајќи двајца од најголемите фудбалски ривали да соработуваат надвор од теренот.
Лионел Меси и Кристијано Роналдо буквално го „скршија“ интернетот со една слика која беше објавена непосредно пред почетокот на Светското првенство.
Сликата и двајцата ја објавија на нивните Инстаграм профили, а на неа се гледа како заедно играат шах, секако за да го промовираат луксузниот бренд Луј Витон.
„Победата е состојба на умот“, напишаа и двајцата со објавата, а потоа го означија „Луј Витон“, познат бренд за луксузна облека.
Оваа позната модна куќа ја опиша соработката: „Победата е состојба на умот. Кристијано Роналдо и Лео Меси беа фотографирани од Ани Либовиќ за Луј Витон. Со долга традиција на правење ковчези за најпосакуваните спортски трофеи во светот, куќата слави двајца од најталентираните фудбалери на денешницата“.
View this post on Instagram
Фото: Принтскрин/Instagram