Американскиот глумец Џони Деп повторно го облекол костумот на славниот пиратски капетан Џек Спероу, со црн креон околу очите и рацете прекриени со прстени за ненадејната посета на младите пациенти во болницата „Институт Кири“ во Париз, соопштил овој центар за истражување и лекување рак.
Ѕвездата на успешниот филмски серијал „Пирати од Карибите“ го посетил педијатриското одделение на Институтот Кири, каде разговарал и позирал за сликање со децата и медицинскиот персонал, како што направи повеќе пати последните години во болници во Вакнувер во Канада, Лондон, или Бризбејн во Австралија.
„Подарок кој ги израдува пациентите, семејствата, негувателките, лекарите и истражувачите.Огромно благодарам на Џони Деп на неговото време, охрабрување и енергија“, навеле од Институтот во пораката на Твитер.