ekran платформа за слободоумни
Популарното лижавче по кое лудуваат речиси сите деца може да биде многу опасно. Една мајка сподели застрашувачка фотографија од нејзината мала ќерка со тешко изгорен јазик за да ги предупреди другите родители да не им даваат на своите деца кисели лижавчиња.
Девојчето го земало киселото лижавче на братот во раце, а приказната завршила со непријатни последици.
„Дојде до мене викајќи дека ја боли јазикот. Беше преплашена“, опишала мајката на девојчето, кое добило меур на средината на јазикот.
Фотографијата ја сподели поранешната медицинска сестра Ники Јуркуц.
„Киселите лижавчиња се, како што сугерира името, кисели и можат да предизвикаат страшни изгореници кај малите деца. Тие треба да се воведуваат дури по петгодишна возраст и со претпазливост“, рече Јуркуц.
Многумина беа шокирани од објавата.
„Не разбирам како лижавчињата можат да предизвикаат толкава штета“, „Тие не треба да бидат на пазарот“, „Ова ме шокираше, и моите деца ги јадат“, напишале.
Фото: Принтскрин/Instagram
