ekran платформа за слободоумни
Поранешната хрватска претседателка Колинда Грабар Китаровиќ ќе се обиде и како актерка, бидејќи била поканета да гостува во популарната хумористична серија „Дар мар“, што се прикажува во Хрватска.
Поранешната претседателка Колинда Грабар Китаровиќ стана актерка, барем на еден ден. Како што дознава „Јутарњи лист“, таа ќе игра во серијата „Дар мар“, што се прикажува на Нова ТВ.
Колинда добила камео улога, а снимањето успешно го завршила. Наводно, таа одлично се снашла на снимањето и добро се забавувала, а епизодата во која глуми ќе биде прикажана во јануари.
„Одлично се забавував на снимањето, затоа се согласив на улогата“, изјавила поранешната хрватска претседателка Грабар Китаровиќ за „Јутарњи лист“.
Да потсетиме, Колинда ја поддржала претставата „Претседателот/ката (Претпоследна вечера)“ на Тарик Филиповиќ и Борис Свртан, во режија на Филиповиќ, која било свечено изведена кон средината на октомври. Имено, таа била еден од главните ликови во неа, а ја играла актерката Орнела Виштица.
View this post on Instagram
Поради подготовките за оваа улога, актерката се дружела со поранешната претседателка, со цел да биде што поубедлива на сцената. Таа ги проучувала нејзините движења, говорот, бојата на гласот, специфичната должина и акцентот на реченицата гледајќи видеа, фотографии и стари Дневници.
